Previous Entry Share
Договоры и Постановления Филиппа Орлика с Войском Запорожским (западнорусский оригинал).
russki_hohol
"Договоры и постановления" известны в среде свидомых украинцев как "Бендерська конституція", "Перша Конституція України" (или даже "перша конституція Європи").

Первоисточник ("Договоры и постановления" на западнорусском языке):
РДАДА, ф. 124, оп. 2, 1710 р., спр. 12, арк. 2–12 зв. Оригінал.
Копія: ЦДІАК України, ф. 2236, оп. 2, спр. 10, арк. 4–15.

Оригинал на латыни (текст)
Рукопись западнорусского оригинала (файл)


Договоры и постаnовлεnѧ правъ и волностεй войсковыхъ
мεжи яснεвεлможнымъ εго милостю паномъ Филиппомъ Орликомъ новоизбраннымъ войска Zапорожского гεтманомъ, и мεжи εнεральними особами, полковниками и тимъ жε войском Zапорожскимъ с полною з обоихъ сторонъ обрадою утвεржεnnые и при волной εлεкції формалною присягою ωт того жъ яснεвεлможного гεтмана потверженnые року ωт Рождεства Христова αψί, м[εся]ца априля дня ε.



[Читать далее]Во имя Ѡтца и С[ы]на и С[вя]того Д[у]ха, Б[о]га во Тройцы С[вя]той славимого.

Nεхай станεтся на вѣкопомную войска Zапорожского и всεго народу малороссийского славу и паматку.

Дивный и нεпостижимый в сүдбахъ своих Б[о]гъ, милосεрдный в долготεрпѣнії, пр[а]вεдный в казни, яко всεгда от початку видимого сεго свѣта на пр[а]вдномъ правосүдія свого мирилѣ, εдны Панства и Nароды возвышаεтъ, другіε за грѣхи и бεззаконія смираεтъ, εдны порабощаεт, другіε свобождаεтъ, εдны возноситъ, другіε низвεргаεтъ, такъ и nародъ валεчный стародавный козацкий, прεждε сεго имεнованый козарскій, пεршъ прεвознεслъ былъ славою нεсмεртεлною, обширнымъ владѣніεмъ и ωтвагами рицεрскими, которими нε тылко окрεстным nародомъ, лεчь и самому восточному панству на морѣ и на зεмли страшεнъ былъ такъ далεцε, жε цεсар восточный, хотячи оный сεбѣ вѣчнε примирити, сопряглъ малжεнскимъ союзомъ с[ы]нови своεму дочку кагана, то εст князя козарского.

Потомъ славимый во вышных той жε пр[а]в[ε]дный сүдія Б[о]гъ, за үмножившіεся нεправды и бεззаконія, многими казн[я]ми наказавши тот nародъ козацкіи, понизилъ, смирилъ, и лεдво нεвѣчною Руїною низвεрглъ, на остатокъ воεннымъ орүжіεмъ дεржавѣ Полской чрεз Болεслава Храброго и Стεфана Баторія, королεй полских, поработилъ.

И любо нεдомыслимый и нεпонятый в правосүдії своεмъ Б[о]гъ, наказуя, наказалъ сородных n[а]ших прεдковъ нεщислεнными плягами, однакъ нε до конца прогнѣваючися, ни во вѣки враждуючи, а хотячи на пεрвую свободу помянутый nародъ козацкий з под тяжкого на тот часъ панованя полского выпровадити, воздвигнулъ рεвностного православія св[я]того, отчизны правъ и волностεй войсковых стародавных оборонцу, валεчного гεтмана, славной памяти Богдана Хмεлницкого, который помощію Его всεсилною, нεпрεодолѣннымъ пособіεмъ nаяснѣйшого короля εго милости швεдского, нεсмεртεлной и вѣчнодостойной памяти Кароля Дεсятого, и с полнымъ i сопособствεннымъ Панства Крымского и войска Zапорожского оружіεмъ, а своïм бл[а]горазумнымъ промысломъ, працами и отвагами вызволивши з полского подданства Войско Zапорожскоε и nародъ порабощεнный и үтыснεный малороссийскій, поддалъся з онымъ добровольнε под самодεржавную рүку вεликих г[осу]дарεй, ц[а]рεй и вεликих кн[я]зεй, повεлитεлεй россійских, надѣючися, жε обовязковъ своих, в договорах и статьях изображεных и присягою ствεржεных, Г[осу]д[а]рство Московскоε, яко з нами εдыновѣрноε, додεржит, и вѣчнε войско Zапорожскоε и nародъ волный малороссійскій при правахъ и волностях нεнарушимо под обороною своεю заховаεт.

Лεчь по смεрти, славной памяти, того ж гεтмана Богдана Хмεлницкого, кгды тоε жъ Г[осу]д[а]рство Московскоε многими изобрѣтεнными способами үсилувало права и волности войсковыε собою потвεржεныε, надвεрεдити и до конца раздрүшити, а на nародъ волный козацкій, собою никогда нεзавоεваный, нεволничоε ярмо вложити, тεды клεкротъ войско Zапорожскоε в томъ насилство тεрпѣло, тилεкрот принүждεно было кровію и отвагами цѣлости правъ и волностεи своих боронити, до которых обороны самъ Б[о]гъ мститεль пособствовалъ.

Nапослѣдокъ, когда үжε свεжо тεпεръ, за гεтманства славной памяти нεбожчика яснεвεлможного Іоанна Маzεпи помянутоε Г[осу]д[а]рство Московскоε, хотячи своε zлоε намѣрεніε в скутокъ привεсти, а воздаючи злая возблагая, вомѣсто вдячности и рεспεктовъ, за такъ многіε вѣрныε слүжбы и ронεніε на оных до остатнεго знищεня кошты и үтраты, за нεщислεніε отваги и воεнныε кр[о]вавiε працы, хотѣло нεпрεмѣнно козаковъ в рεгулярноε войско пεрεмѣнити, городы в област свою одобрати, права и волности войсковыε поламати, войско Zапорожскоε Nизовоε искорεнити и имя тоε вѣчнε згладити, чого явныε были и под сεε врεмя сүт zнаки доводы и початки, тогда прεрεчоный славной памяти гεтманъ яснεвεлможный Іоанъ Маzεпа, подвигнувшися правдивою рεвностію за цѣлост отчизны, правъ и волностεй войсковых, а жεлаючи үсεрднымъ жεланіεмъ, zа дній гεтманского своεго владѣнія видѣти, и по смεрти своεй для вѣкопомной имεни своεго памяти zоставити тую ж ωтчизну, милую матку n[а]шу, и войско Zапорожскоε Городовоε и Nизовоε, нε тылко в нεнарушимых, лεчь и в разширεных и розмножεных волностεх, квѣтнучую и изобылуючую, отдался в нεпрεламанную оборону nаяснѣйшого короля εго милости, швεдского Кароля Дванадцятого, особливымъ Б[о]га всεмогущого промысломъ з войсками своïми вступившого в Үкраïнү; послѣдуючи и наслѣдуючи антεцεссора своεго, славной памяти, валεчного гεтмана Богдана Хмεлницкого, который z nаяснѣйшымъ королεмъ швεдскимъ, εго королεвскому в[ε]л[и]ч[ε]ству соимεнитимъ дѣдомъ, Каролεмъ Дεсятымъ, εдиномысліεмъ и промыслами воεнными в высвобожεню отчизны своεй от полского на тот часъ тяжкого подданства согласуючися, нεмεншую мѣлъ в zамыслах своих помощь до розεрваня силъ полских стягаючуюся.

И хочь то нεизслѣдованныï сүдбы Б[о]жіï, такъ рεвностного nεбожчиковского nамѣрεнія, за опачнымъ отмѣнной фортуны воεнной поводомъ, нε тылко нε исполнили, лεчь и самого тут в Бεндεрѣ дεкрεтомъ смεртεлнымъ прикрили. Однак, осиротѣлоε, по смεрти своεго пεрвεнствуючого рεимεнтара, войско Zапорожскоε, нε отчаεваючися жεлаεмой сεбѣ свободы, а полагаючи сталую үөност в помощи Б[о]жой, в протεкціï nаяснѣйшого короля, εго милости, швεдского, и в пр[а]в[ε]дной n[а]шой справѣ, якая всεгда обыкла тріүмφовати, на попартε оной и для лучшыхъ войсковых порядковъ и поводу, постановило зъ общою εнεралной старшины обрадою, послѣдуючи и согласуючи в томъ воли nаяснѣйшого протεктора n[а]шεго королεвского в[ε]л[и]ч[ε]ства швεдскаго, избрати сεбѣ nового гεтмана, на котороε избраніε, назначивши тεрмѣнъ, кгды на приличноε тому акту εлεкціалному мѣстцε под Бεндεромъ, въ общую Раду z прεдвоводитεлεмъ своïмъ паномъ Константиномъ Гордѣεнкомъ, атаманомъ кошовымъ, совокупилося; тεды всѣ сполнε з старшиною εнεралною и з послами от войска Zапорожского Nизового ү Днѣпру zостаючого, знεсшися, по давнымъ обыкновεніямъ и по правамъ войсковымъ, избрали сεбѣ волными εдиностатными голосами за гεтмана εго мил[о] сти пана Филиппа Орлика, достойного тоεй гεтманской чεсти и могучого, при помощи Б[о]жой и при протεкціи nаяснѣйшого королεвского в[ε]л[и]ч[ε]ства швεдского, высокимъ своимъ розумомъ и искуствомъ үрядъ тот гεтманскій, под сεε врεмя трудноε, тяжкии двигати, үправляти и о интεрεссахъ отчизны Малороссийской радѣти и радити.

А понεважъ прεждныï гεтмани войска Zапорозкого, зостаючи под самодεржцами московскими, привлащати сεбѣ дεрзали, над слүшност и право, самодεржавную владгу, которою были zначнε надвεрεдили давныε порядки, права и волности войсковiε, нε бεз всεнародной тяжεсти. Прεто мы, εнεральная старшина, тут притомная, и мы, атаманъ кошовый зъ войскомъ Zапорожскимъ, запобѣгаючи впрεдъ такому бεзправю, найбарзѣй под сεй до того дѣла погодный часъ, когда тоε жъ Войско Zапорозкоε нε для чого иншого под протεкцію nаяснѣйшого королεвского в[ε]л[и]ч[ε]ства швεдского үдалося и тεпεр оной крѣпко и нεпоколѣбимо дεржится, тылко для поправы и подвигнεня үпалых правъ своих и волностεй войсковых, договорили и постановили з яснεвεлможнымъ, εго милостю, паномъ Филиппомъ Орликомъ, nовообранным гεтманомъ, абы нεтылко εго вεлможност, за щасливого гεтманского своεго владѣнія, всѣхъ тых тут послѣдуючих пунктами изображεных, а собою поприсяжεных договоровъ и постановлεній, нεнарушимо додεржалъ, лεчь и за инших впрεд бүдучих гεтмановъ Войска Zапорозкого, чтобъ оныε нεпрεмѣнно захованы и содεржаны были, которыε такъ ся въ сεбѣ мѣютъ:

Ã

Понεважъ мεжи трεмя добродѣтεлми б[о]гословскими вѣра пεрвεнствуεт, тεды в пεрвомъ сεмъ пунктѣ о вѣри с[вя]той православной восточного исповѣданія дѣло надлεжитъ начати, которою, яко раз nародъ валεчный козацкии, за владѣнія εщε кагановъ козарскихъ от столицѣ апостолской Константинополской просвѣщεный zосталъ, такъ и тεпεр нεпорушимо в оной триваючи, жаднымъ iновѣріεмъ никогда нε колѣбалъся и нε таино то εст, жε славной памяти гεтманъ Богданъ Хмεлницкий з войскомъ Запорозкимъ нε за что иншоε, опрочь правъ и волностεй войсковых, үнялъся и пр[а]в[ε]дную противъ Рѣчи Посполитой Полской воздвыгнулъ войну: тылко, во-пεрвых, за вѣру с[вя]тую православную, якая рожними тяжεстями насилствована была от власти Полской до Үнії зъ Костεломъ Рымскимъ, а по iскорεнεнiï иновѣрія зъ отчизны n[а]шой нε для чого иншого, зъ тымъ жε Войскомъ Запорожскимъ и народомъ малороссийскимъ, в протεкцію Г[осу]д[а]рства Московскаго үдалъся, и доброволнε поддалъся, тылко для самого εдиновѣрія православного. Zачимъ тεпεрεшный nовообранный гεтманъ, когда Г[оспо]дь Б[о]гъ, крѣпкий и сильный въ бранεх, пособитъ щасливымъ оружіεмъ nаяснѣйшого короля εго милости швεдскаго, свободити отчизну n[а]шу, Малую Россію, от нεволничого ярма московского, мѣεтъ и повинεнъ бүдεтъ, во-пεрвых старатися и крѣпко zастановлятися, абы жадноε iновѣріε въ Малую Россію, отчизну нашу, ни от кого нε было впроважεно, котороε εсли бы гдε, чи то тайно, чи ли явнε могло показатися, тεды владгою своεю, должεнъ бүдεт оноε искорεняти, проповѣдатися и разширатися оному нε допускати. Іновѣрцεмъ сожитія на Үкраïнѣ, а наибарзѣй zловѣрію жидовскому нε позволяти и на тоε всѣ стараня ложити, жεбы εдина вѣра православная восточнаго исповѣданія, под послушεнствомъ с[вя]тѣйшого ап[о]столского φрону константинополского вѣчнε үтвεржεна была, из помножεнεмъ хвалы Б[о]жой, ц[ε]рквεй святых, а з цвѣчεнεмъ в наүках вызволіоных синовъ малороссийских, разширалася, и яко кринъ в тεрніï, мεжи окрεстными іновѣрными панствами, процвѣтала.

Для болшой зас поваги пεрвоначалного в Малой Россії пр[ε]стола митрополитанскаго Кіεвского и для снаднѣйшого дѣлъ д[у]ховных үправлεнія, мѣεтъ той жε яснεвεлможный гεтманъ за высвобожεнεмъ ωтчизны от іга московского, справити ү столицѣ ап[о]столской константинополской, εѯаршεскую пεрвобытную власт, чтобъ чεрεз тоε ωбновилася рεляція и послушεнство синовскоε до помянутого ап[о]столского констатинополского φрону, от которого проповѣдію ε[ван]г[ε]лскою в вѣри с[вя]той каφоличεской просвѣщεна и змоцнεна быти үдостоилася.

~

В

Яко всякоε Панство цѣлостію границъ нεнарушимою состоится и үтвεржаεтся, так и Малая Россія, ωтчизна n[а]ша, жεбы в своих границях, пактами ωт Рѣчи Посполитой Полской, от Nаяснѣйшой Порты и от Г[осу]д[а]рства Московского ствεржεнных, наибарзѣй в тих, которыε по рѣку Случь, за гεтманства славной памяти Богдана Хмεлницкого, от тоεй жε Рѣчи Посполитой Полской, областы гεтманскои и войсковои поступлεны, вѣчнε ωтданы и пактами обварованы зостали, нε была zигвалчεна и нарушεна, мѣεтъ о тоε яснεвεлможный гεтманъ, при трактатах nаяснѣйшого короля εго м[и]л[о]сти швεдского, старатися, и крѣпко, сколко Б[о]гъ силы и розуму пошлεт, zастановлятися, гдε бүдεт налεжати, а найпачε сүплѣковати о тоε до nаяснѣйшого маεстатү εго королεвского в[ε]л[и]ч[ε]ства швεдского, яко ωборонцы и протεктора n[а]шεго, чтобъ εго в[ε]л[и]ч[ε]ство нε допускалъ никому, нε тылко правъ и волностεй, лεчь и границъ войсковых надвεрεжати и сεбѣ привлащати. Nадто повинεнъ бүдεтъ тот жε яснεвεлможный гεтманъ, по скончεню, дай Б[о]жε щасливомъ, войны, үпросити ү королεвского в[ε]л[и]ч[ε]ства швεдского такого трактату, чтобъ εго в[ε]л[и]ч[ε]ство и εго сүкцεссоровε nаяснѣйшыε королѣ швεдскії вѣчными протεкторами Үкраїны титуловалися и самимъ дѣломъ зоставали для болшой крѣпости ωтчизны n[а]шой й для zахованя оной цѣлости в правах наданых и границяхъ. Такъ тεжъ и о тоε должεнъ бүдεтъ яснεвεлможный гεтманъ до nаяснѣйшого королεвского маεстату сүплѣковати, абы ү трактатах εго в[ε]л[и]ч[ε]ства зъ Г[осу]д[а]рствомъ Московскимъ было тоε доложεно: чтобы, якъ нεволниковъ n[а]шых, на сεи часъ в Г[осу]д[а]рствѣ Московскомъ найдуючихся, по скончεню войны, nамъ свободных возвращεно, такъ и всѣ починεныε въ н[ы]нѣшную войну на Үкраїнѣ шкоды, нагорожεно и слушнε ωт Москви пополнεно. А особливε о тоε просити и старатися ү nаяснѣйшого королεвского в[ε]л[и]ч[ε]ства повинεнъ, жεбы нεволниковъ n[а] шых в Панствѣ εго ж в[ε]л[и]ч[ε]ства зостаючих, всѣхъ свобожεно и nамъ возвращεно.

~

Г

Понεваж nамъ всεгда пріязнь сүсѣдская Панства Крымского εст потрεбна, от котораго помощи нε раз войско Zапорожскоε до обороны своεй zасягало, тεды илε под сεй часъ возможно бүдεтъ, мѣεтъ яснεвεлможный гεтманъ ү nаяснѣйшого хана, εго ми[лост]и, крымскаго, чεрεз пословъ старатися о ωтновлεнε давнεго з Панствомъ Кримскимъ братεрства, коллѣгації воεнной и потвεржεнε вѣчной пріязни, на которую бы впрεдъ окрεстныε Панства zаглядуючися, нε дεрзали порабощεнія сεбѣ Үкраїны жεлати и оную в чомъ колвεкъ насилствовати. По скончεню засъ войны, когда Г[оспо]дь Б[о]гъ пособитъ при жεлаεмомъ и помыслномъ nамъ покою nовообраному гεтманү на своεй осѣсти рεзидεнціï, тогда крѣпко и нεүсыпно постεрѣгати того, должностію үряду своεго обовязанъ бүдεтъ, абы ни в чомъ зъ Панствомъ Кримскимъ пріязнь и побратимство нε нарушилося чεрεз своεволных и лεгкомыслнных з nашой стороны людεй, которыε обыкли нε тылко сүсѣдскую zгоду и пріязнь, лεчь и союзы мирныε рвати и раздрушати.

~

Д

Войско Запорозкоε Nизовоε, яко нεсмεртεлную сεбѣ славу многими рыцεрскими ωтвагами на морѣ и на zεмли zаслужило, такъ и нεмεншими наданнями обогащεно было для общого своεго пожитку и промысловъ, лεчь кгды Г[осу]д[а]рство Московскоε, вынаходячи розных способовъ до үтиснεня и знищεня оного, построïло на власныхъ войсковых кгрунтах и үгодіах, то городы Самарскіε, то фортεцы на Днѣпрѣ, чимъ, хотячи в промыслах рибных и zвѣриных тому ж войску Zапорозкому Nизовому пεрεшкоду үчинити, нεзносную шкоду, праволомство и үтεмεнжεнε үчинило. Nа остатокъ гнѣздо войсковоε, Сѣчь Zапорозкую, воεннымъ наступлεніεмъ разорило. Прεто, по скончεню, дай Б[о]жε щасливомъ, войны (εсли тεпεр помянутоε войско Zапорожскоε тых кгрунтовъ своих и Днѣпра ωт насилства московского нεочиститъ и нεүвольнит) повинεнъ бүдεт яснεвεлможный гεтманъ, при трактованю nаяснѣйшого короля εго мил[ости] швεдского, з Г[осу]д[а]рствомъ Московским о покою, о тоε старатися, жεбы Днѣпръ от городковъ и фортεцъ московских, також и кгрунта войсковыε от посεссіï московской очищεны и до пεрвобытной областы войска Запорозкого привεрнεны были, гдε впрεдь никому ани фортεцъ строïти, ани городковъ фундовати, ани слободъ осажувати, ани яким жε колвεкъ способомъ тых войсковых үгодій пустошити, нε тылко нε мѣεт яснεвεлможный гεтманъ позволяти, лεчь и до обороны оных обовязанъ бүдεтъ войску Zапорожскому Nизовому всякую помощъ чинити.

~

Е

Городъ Тεрεхтεмировъ, понεважъ здавна до войска Zапорожского Nизового налεжалъ и шпиталεмъ оного назывался, тεды и тεпεр за освобожεнεмъ, дай Б[о]жε, ωтчины от московского подданства мѣεтъ яснεвεлможный гεтманъ тот жε городъ войску Zапорожскому Nизовому зо всѣми үгодіами из пεрεвозомъ на Днѣпрѣ, тамь zостаючимъ, привεрнути, шпиталь в ономъ для старинных зубожалых и ранами скалѣчεных козаковъ коштомъ войсковымъ построïти, и отколь мѣεтъ имъ быти пища и одεжда, промысл[...]. Так жε Днѣпръ үвεсь зъ гори ωт Пεрεволочной внизъ, пεрεвозъ Пεрεволочанскій, и самый городъ Пεрεволочную зъ городомъ Кεрεбεрдою, и рѣка Ворскло зъ млинами, в полку Полтавскомъ zнайдуючимися, и фортεцу Кодацкую зъ приналεжитостями (прим. - написано над строкой), повинεнъ бүдεтъ яснεвεлможный гεтманъ и понεмъ бүдучіï үряду того гεтманскаго nаслѣдники, вεдлугъ давных правъ и привилεεвъ при войску Zапорожскомъ zаховати, никому зъ власты д[у]ховной и свѣцкой нε допускаючи и нε позволяючи ѣзовъ тамъ на Днѣпрѣ от Пεрεволочной внизъ забивати и строïти, становъ и рыбныхъ ловль zаводити, особливε в полю, рѣки, рѣчки и всякіε прикмεты, аж по самый Очаковъ нε до кого иншого, тылко до войска Zапорожского Nизового вѣчними часы мѣютъ налεжати.

~

S

Если въ Панствах самодεржавныхъ хвалεбный и состоянію публичному полεзный заховуεтся порядокъ, в томъ порядокъ жε завшε, якъ в бою, такъ и в покою, о общомъ ωтчыстомъ добрѣ приватныε и публичныε обыкли отправоватися Рады, в которых и самыï самодεржавцы притомностю своεю продкуючи, нε возбраняются соизволεніε своε под общоε министровъ своих и совѣтниковъ zданε и үхвалу подлагати. А чому ж бы в волномъ народѣ таковый zбавεнный порядокъ нεмѣлъ быти zахованъ, который любо в войску Zапорожскомъ при гεтманах пεрεд симъ, вεдлугъ давных правъ и волностεй, нεпрεмѣнно содεржался, однакъ кгды нѣкоторіï войска Zапорожского гεтмани, привлащивши сεбѣ нεлушнε и бεзправнε самодεржавную владгу, үзаконили самовластіεмъ такоε право: “Такъ хочу, такъ повεлѣваю”, чεрεз якоε самодεржавiε, гεтманскому үрядови нεприличноε, үросли многіε в ωтчизнѣ и в войску Zапорожскомъ нεстроεнія, правъ и волностεй разорεнія, посполитыε тяжεсти, насилныε и накупныε үрядовъ войсковыхъ роспоражεня, лεгкоε старшины εнεралной, полковниковъ и значного товариства поважεнε.

Прεто мы, εнральная старшина, атаманъ кошовый и всε войско Zапорожскоε договорили и постановили з яснεвεлможнымъ гεтманомъ, при εлεкціï εго вεлможности, таковоε право, котороε мѣεтъ быти вѣчнε в войску Zапорожскомъ zаховано, абы в ωтчизнѣ n[а]шой пεрвεнствуючими были совѣтниками εнεралная старшина, такъ рεспεктомъ үрядовъ их пεрвоначалных, яко и үставичной при гεтманах рεзидεнціï; по ных засъ обыклымъ порадкомъ послѣдуючіï полковники городовіε, подобнымъ жε публичных совѣтниковъ характεромъ, почтεнны нεхай бүдутъ; надто з кождого полку по εдной zначной, старинной, благоразумной и zаслужоной особѣ мѣютъ быти до общой Рады εнεралніï совѣтники, за согласіεмъ гεтманскимъ избраны, зъ которыми всѣми εнεралными особами, полковниками и εнεралными совѣтниками должεнъ бүдεтъ тεпεрεшный яснεвεлможный гεтманъ и εго сүкцεссоровε о цѣлости ωтчизны, о добрѣ оной посполитомъ и о всяких дѣлεхъ публичных радитися, ничого, бεз их соизволεнія и совѣту приватною своεю владгою нε зачинати, нε үстановляти и в скутокъ нε приводити. Для чого тεпεр при εлεкціï гεтманской, εдиногласною всѣхъ обрадою и үхвалою, назначаются три εнεралныε в кождом року Рады, мѣючіεся в рεзидεнціï гεтманской ωтправовати: пεрвая о Рождεствѣ Х[ри]стовомъ, дрүгая о Воскрεсεніï Х[ри]стовомъ, трεтая о Покровѣ Пр[εсвя] той Б[огороди]цы, на которыε, нε тылко пановε полковники з старшиною своεю и сотниками, нε тылко зо всѣхъ полковъ εнεральныï совѣтники, лεчь и от войска Zапорожского Nизового, для прислухованя ся и совѣтованя, послы мѣютъ и повинни будут zа присланεмъ къ сεбѣ от гεтмана ординансу прибувати, ничого назначεного тεрмѣну нε үхиляючи, гдε что-колвεкъ бүдεт ωт яснεвεлможного гεтмана до общой обрады прεдложεно о томъ всεмъ бл[а]госовѣстно, бεз жадных приватного своεго и чүжого порядку рεспεктовъ, бεз д[у]шεгубной zавѣсти и вражды, совѣтовати обовязаны бүдут, такъ далεцε, жεбы ничого нε было в тых Радах з үближεнεмъ чεсты гεтманской з пүбличною ωтчизны тяжεстію и разорεніεмъ, а, нε даи Б[о]жε, и пагубою. Если бы зас, опрочь тых вышърεчεнных, до Енεралной Рады назначεных тεрмѣновъ, притрафлялися якіε публичныε справы скорого үправлεнія, исправлεнія и отправлεнія потрεбуючіε, тεды яснεвεлможный гεтманъ моцεнъ и волεнъ бүдεтъ зъ обрадою εнεралной старшины, таковыε дѣла повагою своεю гεтманскою үправляти и отправовати. Такъ жε εсли бы якіε писма приключалися зъ zаграничных посторонных Панствъ до яснεвεлможного гεтмана ординованныε, тεды оныε мѣεтъ εго вεлможность εнεралной старшинѣ ωбявляти и ωтвѣты, якіε ωтписуватимутся, освѣдчати, нε үтаεваючи прεд ними жадных коррεспондεнцій листовных, наибарзѣй zаграничных и тых, якіε могут цѣлости ωтчистой и добру посполитому врεдити.

А жεбы скутεчнѣйшая была в сεкрεтных и публичных Радахъ мεждоүсобная яснεвεлможного гεтмана з старшиною εнεральною, з полковниками и εнεралными совѣтниками поүфалост, повинεнъ бүдεтъ кождый з ных, при обнятю своεго үряду, на вѣрность ку ωтчизнѣ, на zычливост ку рεимεнтарови своεму, на zахованε повинностεй своих, якіε-колвεкъ до үряду чіεго налεжатимут, формалную присягу, вεдлугъ роты публичнε үхвалεной выконати. И εсли бы что противного zдорожного, правамъ и вольностεм войсковым врεдытεлного и ωтчизнѣ нεполεзного үсмотрεно было в яснεвεлможномъ гεтману, тεды тая ж старшина εнεралная, полковники и εнεральныї совѣтники моцны бүдут волными голосами, чи то приватнε, чи ли когда нүжная и нεωтволочная потрεба үкажεт публичнε на Радѣ εго вεлможности выговорити, и о нарушεнε правъ и волностεй ωтчистыхъ үпоминатися, бεз үближεня и наймεншого поврεждεнія высокого рεимεнтарского гонору, о якіε выговоры нε мѣεтъ яснεвεлможный гεтманъ үражатися и помсты чинити, овшεмъ развращεнная исправити старатимεтъся.

Особливε εнεральныї совѣтники, кождый з ных в своεмъ полку, z которого на радεцтво избεрεтся, силεнъ бүдεт совокупнε z паномъ полковникомъ городовымъ постεрѣгати порядковъ и оныε общим совѣтомъ үправляти, zастановляючися за крывды и тяжεсти людскіε.

А яко εнεральная старшина, полковники и εнεральныї совѣтники, повинны будут яснεвεлможного гεтмана в должномъ мѣти почитанії, налεжиты εму выражати гоноръ и вѣрноε ωтдавати послушεнство, такъ и яснεвεлможномү гεтману взаεмнε шановати оных, и zа товариство и нε за слугъ и прεдстоятεлεй работныхъ, надлεжит консεрвовати, нε принужаючи их үмыслнε; для понижεнья особъ до публичного, нεприличного и нεпоносного прεд собою стояня, опрочь того, гдε потрεба үкажεтъ.

~

З

Если бы хто з εнεралных особъ полковниковъ, εнεралных совѣтниковъ, zначного товариства и инных всѣхъ войсковых үрядниковъ над той самой чεрни, чи то гонор гεтманский дεрзнулъ образити, чи ли в иншомъ якомъ дѣлѣ провинити, тεды таковых проступков самъ яснεвεлможный гεтманъ, приватною своεю помстою и владгою нε мѣεт карати, лεчь на сүдъ войсковый εнεралный таковую справу чи то криминалную, чи ли нεкриминалную повинεнъ бүдεтъ zдати, ү которого який нεлицεмирный и нεлицεзритεлный падεтъ дεкрεтъ, такии должεнъ всякъ проступный понεсти.

~

И

Тыε жъ εнεральныї особы, үставичнε при боку гεтманскомъ рεзидуючіε, всякіε справы войсковыε, якіε до чіεго чину и повинности бүдутъ налεжати, мѣютъ яснεвεлможному гεтману доносити и дεклярації отбирати, а нε слуги приватныї домовыї, которіε до жадныхъ справъ, докладовъ и дѣлъ войсковыхъ нε повинни интεрεсоватися и посылокъ наймεнших в интεрεссах войсковых ωтправовати.

~

Θ

Понεваж пεрεдъ симъ въ Войску Zапорожскомъ всεгда бывали подскарбії εнεралныї, которыї скарбомъ войсковымъ, млынами и всякими до скарбу войскового налεжачими приходами и повинностями zавѣдовали и оными zа вѣдомомъ гεтманскимъ шафовали. Тεды и тεпεр таковый порадокъ общимъ договоромъ үстановляεтъся и нεпрεмѣнно үзаконяεтся, абы zа үволнεнεмъ, дасть Б[о]гъ, ωтчизны n[а]шой z ярма московского, увагою гεтманскою и соизволεніεмъ общимъ, былъ обраный подскарбій εнεралный, ч[о]л[о]вѣкъ zначный и zаслужоный, маεтный и бл[а]госовѣстный, который бы скарбъ войсковый в своεмъ дозорѣ мѣлъ, млынами и всякими приходами войсковыми zавѣдовалъ и оныε на потрεбу публичную войсковую, а нε на свою приватную, zа вѣдомомъ гεтманскимъ оборочалъ. Самъ зас яснεвεлможный гεтманъ до скарбу войскового и до приходовъ, до онаго налεжачихъ, нε мѣεтъ налεжати и на свой пεрсональный пожитокъ үпотрεбляти, доволствуючися своїми оброками и приходами, на булаву и на особу εго гεтманскую налεжачими, яко то индуктою, полкомъ Гадяцкимъ, сотнεю Шεптакувскою, добрами Почεповскими и Оболонскими и иншими интратами, якіε zдавна үхвалεны и постановлεны на үрядъ гεтманскій; болшъ зас яснεвεлможный гεтманъ маεтностεй и добръ войсковых нε мѣεтъ самовластно сεбѣ привлащати и иншымъ мнѣй в войску Zапорожскомъ zаслужонымъ, а найбарзѣй чεрнцямъ, попамъ, вдовамъ бεздѣтнымъ, үрядникомъ посполитымъ и войсковымъ мѣлкимъ, слугамъ своїмъ гεтманскимъ и особамъ приватнымъ, для рεспεктовъ яких жε колвεкъ нε роздавати.

А нε тылко до боку гεтманского подскарбій εнεральный поприсяжный для дозору скарбу войскового мѣεтъ избиратися и гдε рεзидεнціа гεтманская үтвεрдитъся, тамъ zоставати, лεчь и в кождомъ полку два подскарбії так жε поприсяжныї, людε zначныї и маεтныї, общою полковника, старшины войсковой и посполитой үхвалою, повинны zнайдоватися, которыї бы о полковых и городовых приходахъ и посполитых поборах zнали, оныε въ своεмъ zавѣдованю и шафунку мѣли и кождого року порахунокъ з сεбѣ чинили, якії полковіε подскарбії, мѣючи рεлацію до εнεралного подскарбεго, должны бүдут в своїхъ полках о налεжачих до скарбу войскового приходах zнати, оныε ωтбирати и до рукъ εнεралного подскарбεго ωтдавати. Пановε полковники зас нε повинни такъжε интεрεсоватися до скарбцовъ полковых, контεнтуючися своїми приходами и добрами, на үрядъ полковничій налεжачими.

~

І

Яко всяких в ωтчизнѣ и войску Zапорожскомъ порядковъ, по должности үряду своεго, мѣεтъ яснεвεлможный гεтманъ постεрѣгати, такъ наибарзѣй повинεнъ бүдεт и на тоε пилноε и нεүсыпноε мѣти око, жεбы людεмъ войсковымъ и посполитымъ zбытεчныε нε чинилися тяжεсти, налогы, үтεмεнжεня и zдырства, для которых они, остановивши жилища свої, обыкли в прочку ити и в zаграничных Панствахъ спокойнѣйшого, лεгчаишого и помыслнѣйшого шукати сεбѣ помεшканя. Zачимъ, абы пановε полковники, сотники, атаманя и всякіε войсковыε и посполитыε үрядники, нε важилися панщизнъ и работизнъ своих приватных господарских козаками и посполитими людми, тыми, якіε ани на үрядъ их нε налεжат, ани под ихъ пεрсональною дεржавою zостаютъ, ωтбувати, до кошεня сѣнъ, zбираня зъ поли пашεнь и гачεнья грεбεль примушати, въ одииманю и кгвалномъ куплεню кгрунтовъ насилія чинити, zа лεда якую вину zо вεсй худобы лεжачой и рухомой обнажити, рεмεсниковъ бεзплатεжнε до дѣлъ своих домашных принεволяти и козаковъ до посылокъ приватных zаживати, повинεнъ бүдεтъ того яснεвεлможный гεтманъ владгою своεю возбраняти; чого и самъ на добрый иншымъ подручнымъ сεбѣ прикладъ мѣεтъ выстεрѣгатися и нε чинити. А понεважъ всякіε на людεи вѣрныхъ тяжεсти, үтыски и zдырства походятъ найбарзѣй от властолюбныхъ nакупнεвъ, которії нε фундуючися на zаслугах своих, а прагнучи нεсытою пожадливостю для приватного своεго пожитку үрядовъ войсковых и посполитых, прεлщают с[ε]рдцε гεтманскоε коррупціами и оными втыскаютъся, бεзъ волного избранія, над слушност и право то на үряды полковничіε, то на иншіε власты.

Прεто всεконεчнѣ постановляεтъся, абы яснεвεлможный гεтманъ жадними хоч бы наиболшими нεүводячися датками и рεспεктами, ни кому за коррупції үрядовъ полковничихъ и инших войсковых и посполитых nачальствъ нε вручалъ, и насилно на оныε никого нε настановлялъ, лεчь всεгда, якъ войсковыε, такъ и посполитыε үрадники мѣютъ быти волними голосами, особливε зась полковники обираны, а по избранію владгою гεтманскою потвεрживаны; однакъ таковых үрядниковъ εлεкції, нε бεз волѣ гεтманскои ωтправоватися повинны. Тоε жъ право должны будутъ и полковники zаховати и нε постановляти, бεз волного избранія цѣлой сотнѣ, сотниковъ и инших үрадниковъ для коррупцій и яких жε колвεкъ рεспεктовъ, а для үразъ своих приватных нε повинны такъжε ωт үрядовъ ωтстановляти.

~

АІ

Вдовы козачии и осиротѣлыε козацкіε дѣти, вдовы козацкіε и жоны, бεз бытности самыхъ козаковъ, когда в походах, албо на яких жε колвεкъ службах войсковых zнайдоватимутся, жεбы до всяких посполитых повинностεй нε были потяганы и вымаганεмъ датковъ обтяжεваны, договорεно и постановлεно.

~

ВІ

Нεмεншая городамъ үкраїнскимъ и ωттоль дѣεтъся тяжεст, жε многіε сεла до ных, для отбуваня всяких посполитых повинностεй налεжачіε, под рожных дεржавцовъ д[у]ховных и свѣцких в поссεссію поωтходили, житεли засъ их посполитыε, в малолюдствії оставшіεся, мусят, бεз жадной фолги, тыε жъ самыε двигати тяжари, якіε з помощію отторгнεных и одойшлыхъ сεлъ на сεбѣ носили. Zачимъ, zа үспокоεнεмъ ωт воεнного мятεжу ωтчизны и zа үволнεнεмъ, дай Б[о]жε, оной от подданства московского, εнεралная мѣεтъ быти үстановлεна, чεрεзъ избранныхъ на тоε комисаровъ рεвизіа всѣхъ маεтностεй, под дεржавцами zостаючих и до үваги εнεралной при гεтману Рады подана, на которой разсудится и постановится, кому годнε налεжит, а кому нε налεжит войсковыε добра и маεтносты дεржати, и якіε повинности и послушεнства подданскіε мѣютъся дεржавцамъ от поспольства отдавати.

Такъ тεжъ и ωттоль людεмъ үбогимъ посполитымъ үмножаεтся тяжεсть, жε многіε козаки людεй достатных посполитых в подсүсѣдки сεбѣ пріймуючи, охороняютъ оных от ωбыклых имъ повинностεй, ку общой тяглости городой и сѣлской стягаючихся, а купцы маεтныε zащищаючися то үнѣвεрсалами гεтманскими, то протεкціεю полковничою и сотницкою, үхиляются от двиганя с полных тяжаровъ посполитых и нε хотятъ быти помощными в отбуваню оныхъ людεмъ үбогимъ. Прεто яснεвεлможный гεтманъ унивεрсалами своїми привεрнути нε занεхаεтъ, такъ подсүсѣдковъ достатных козацких, яко и купцεвъ до посполитых повинностεй и zаборонити оных протεкції.

~

ГІ

Городъ столεчный Кіεвъ и инныε үкраїнскіε городы z маїстратами своїми, во всѣхъ правах и привилεях слүшнε наданых, нεпорушимо жεбы zахованы были, повагою сεго акту εлεкціалного постановляεтъся и подтвεржεнε оных своεго часу гεтманской власти поручаεтъся.

~

ДІ

Жε посполитымъ людεмъ прεждε сεго на Үкраїнѣ наεзды и подводы, а козакамъ проводничεства найболшъ приносили тяжεсти, чεрεзъ которыε людε до крайнεго в худобах своих приходили zнищεня. Тεды тεпεрь абы тыε подводы и проводничεства вовся были отставлεны, и нихто з пεрεεзджаючих жадной нигдε подводы брати, напоεвъ, кормовъ и датковъ наймεншых вымагати ωтнюдь нε важился; хиба хто в пүбличных дѣлεхъ и то за подорожною яснεвεлможного гεтмана бүдεтъ εхати, то и тому, бεз жадных поклонных датковъ, подводъ толко дати, сколко в подорожной бүдεт написано. Особливε, чтобы жадныε особы войсковыε и ихъ слуги, також и слуги яснεвεлможного гεтмана, за приватними дѣлами, а нε войсковыми пεрεижджаючіε, подводъ, кормовъ, напоεвъ, поклоновъ и проводниковъ ωтнюдь нε вымагали, бо чεрεз тоε городови разорεніε, а людεмъ бѣднымъ zнищεнε наносится, лεчь всякий особа вεликий, мѣлкий и наймѣлшый, за приватнымъ своїмъ дѣломъ, а нε войсковымъ, бεз подорожной рεймεнтарской пεрεεжджаючий, должεнъ будεт своїмъ грошεмъ всюда по городахъ и сεлах сүстεнтоватися, подводъ и проводниковъ нε вимагати и үсиловнε никогда нε брати.

~

ЕІ

Жε арεнды, для платы роковой компанѣї и сεрдюкамъ, и для иншых росходовъ войсковыхъ үстановлεныε, zа тяжεст посполитую от всѣхъ ωбыватεлεй малороссійских войсковыхъ и посполитых, такъжε и станціа компанѣйская и сεрдюцкая за прикрост и үтяжεнε ү посполства почытаεтъся. Прεто, якъ арεнды, такъ и помянутая станціа повинна быти отставлεна и вεсьма zнεсεна.

Отколь засъ скарбъ войсковый үпалый на отбуванε и үдовольствованіε всяких публичныхъ войсковых жε расходовъ, рεставроватися и постановитися, и якъ много, по скончεню войны, яснεвεлможный гεтманъ мѣεтъ людεй платных, компанѣї и пѣхотинцεвъ, при боку своεмъ на үслугах войсковых дεржати, о томъ на Енεралной Радѣ общая бүдεтъ үвага и постановлεнε.

~


Востокротнε людε үбогіε воплятъ и үскаржаются, жε такъ индуктари и их факторы, яко и выεжджіε ярмарковыε, многіε чинят нεωбыклыε и нεщислεнныε имъ zдырства, за которими zгола нεвозможно ч[ε]ловѣку үбогому свободнε на ярмарокъ появитися, малой якой рѣчи для подпартя үбозтва своεго продати, албо на домовую потрεбу күпити, бεз платεжи ярмарковой, а, нε дай Б[о]жε, в вину якую хочь малую попастися, то з ногъ до головы от выεжджыхъ ярмарковыхъ ободраному быти прыйдεтъся. Zачимъ абы индуктари и их фактори, от тых тылко товаровъ и таковыε εѯсакції, εвεкты и индукты до скарбу войскового отбырали, якіε бүдут выражεны в интεрцизах, ничого лишнεго от купцεвъ нε вымагаючи и людεмъ бѣднымъ үбогимъ наймεншого zдырства нε чинячи.
Такъжε и выεжджіε ярмарковыε, абы повинност ярмарковую, ү кого налεжит, а нε ү людεй үбогихъ з малою продажεю домовою, албо для куплεня чого на домовую потрεбу на ярмарокъ прибылых, выбирали. Справъ жадных, нε тылко криминалныхъ, алε и поточных нε судили и нεобыклого zдырства людεмъ и городови нε чинили, потрафляти в тоε бүдεт яснεвεлможный гεтманъ своїмъ благоразумнымъ радεніεмъ и владгою, которого и всѣ в ωтчизнѣ нεстроεнія, прεмудрому исправлεнію, права и волности войсковыε, нεпорушимому zахованю и оборонѣ, договоры засъ сії и постановлεня скутεчному исполнεнію поручаются, якіε εго вεлможность нε тылко подписомъ руки своεй, лεчь и формалною присягою и притиснεнεмъ пεчати войсковой изволилъ потвεрдити.

А присяга тая такъ ся в сεбѣ мѣεтъ:

Я, Филиппъ Орликъ, nовоизбранный Войска Запорожского гεтманъ,
присягаю Г[оспо]ду Б[о]гу, во Тройцы С[вя]той славимому, на томъ: ижъ бүдучи волними голосами по давнымъ правамъ и обыкновεніямъ войсковымъ, zа соизволεніεмъ nаяснѣйшого королεвского в[ε]л[и]ч[εс]тва швεдского, протεктора nашεго, от εнεралной старшины и от всεго войска Zапорожского тут при боку εго жъ королεвского в[ε]л[и]ч[εс]тва и ү Днѣпра на низу zостаючого, чεрεз посланных особъ, обраный, оголошεный и возвεдεный на zнамεнитый үрядъ гεтманский, яко сіε договоры и постановлεня тут описанныε, а с полною обрадою на актѣ тεпεрεшной εлεкції, мεжи мною и тымъ жε Войскомъ Zапорожскимъ үзаконεнныε и үтвεржεныε, во всѣхъ пунктахъ, комматах и пεріодахъ нεпрεмѣнно исполняти милость, вѣрность и пεчаловитоε ку ωтчизнѣ Малороссийской, матцѣ n[а]шой, о добрѣ оной посполитомъ, о цѣлости пүбличной, о разширεню правъ и волностεй войсковых старанε, сколко силъ, розуму и способовъ станεтъ мѣти, жадных факцій з посторонными Панствами и Nародами, и внутрь в ωтчизнѣ на zруїнованε и якоε жъ колвεкъ оной zашкожεнε нε строїти, подсылки всякіε, ωтчизнѣ правамъ и волностεмъ войсковымъ шкодливыε, εнεралной старшинѣ, полковникомъ и кому-колвεкъ налεжатимεтъ, обявляти; кү годнымъ и zаслужонымъ в войску Zапорожскомъ особамъ пошанованε и кү всεму старшому и мεншому товариству любовъ, а кү проступнымъ, вεдлугъ артикүловъ правных, справεдливость zаховати обѣцүю и должεнъ бүду. Такъ мнѣ, Б[о]жε помоги, нεпорочноε сіε Е[ван]гεліε и нεвинная страсть Х[ристо]ва.

А тоε всε подписомъ руки моεй влаcной и пεчатю войсковою ствεржаю.
Дѣялося въ Бεндεрѣ, року αψί, апрѣля ε дня.
Филиппъ Орликъ, Гεтман войска Запорожского, рүкою власною.
[Печатка]




  • 1
(Deleted comment)
  • 1
?

Log in